პროფესორ გურამ ქარაზანაშვილის გზა კავკასიის რეგიონში რობოტული ქირურგიის დაფუძნებამდე!
გადაცემაში საუბრობს კლინიკის დამფუძნებელი რობოტული ქირურგიის საერთაშორისო ექსპერტი რეკონსტრუქციული უროლოგი და ონკოუროლოგი პროფესორი გურამ ქარაზანაშვილი.
ათწლეულების პროფესიული გამოცდილება, საერთაშორისო სამეცნიერო საქმიანობა, ევროპის და ამერიკის წამყვან კლინიკებში მიღებული ცოდნა და პროსტატის კიბოს კვლევის მიმართულებით მიღწეული მნიშვნელოვანი შედეგები გახდა იმ გარდამტეხი ცვლილებების საფუძველი რომელმაც ქართველ პაციენტებს რთული ონკოლოგიური ოპერაციების თანამედროვე რობოტული ტექნოლოგიების გამოყენებით საკუთარ ქვეყანაში ჩატარების შესაძლებლობა მისცა.
რობოტული ქირურგია მხოლოდ თანამედროვე ტექნოლოგია არ არის – ეს არის პროფესორის მრავალწლიანი ხედვის შედეგი: მაღალი სიზუსტე, ნაკლები ტრავმა, მინიმალური სისხლის დანაკარგი, სწრაფი რეაბილიტაცია და პაციენტის ცხოვრების ხარისხის შენარჩუნების მეტი შესაძლებლობა.
დღეს ქარაზანაშვილის რობოტული ცენტრი 300-ზე მეტ რობოტულ ოპერაციას ითვლის და საქართველო რობოტული ქირურგიის საერთაშორისო რუკაზე მოწინავე პოზიციას იკავებს.
აღსანიშნავია, რომ პროფესორი გურამ ქარაზანაშვილი საქართველოსა და კავკასიაში არის პირველი რობოტული ქირურგი, რომელმაც შექმნა ხელოვნური შარდის ბუშტი რობოტული ტექნოლოგიის დახმარებით. ხელოვნური შარდის ბუშტის შექმნის მისეული ტაქტიკა აღიარებული არის ამერიკის უროლოგთა ასოციაციის მიერ როგორც ტექნიკური და ინოვაციური მიდგომა.
პროფესორი გურამ ქარაზანაშვილი ყოველთვის დიდი ყურადღებითა და ენთუზიაზმით ეკიდებოდა მსოფლიოში ყველა სამედიცინო ინოვაციას და ძალებს არ იშურებდა საქართველოში მათ დასანერგად. ამის ნათელი მაგალითია 5 წლის წინ მიკრო-ულტრაბგერა 29 მეგაჰერცზე დაფუძნებული პროსტატის კიბოს უნიკალური სკრინინგი, ტრანსპერინეული ფიუჟენ ბიოფსია, რობოტული ფოკალური თერაპია და კენჭების უოპერაციო დაშლის მეთოდი – დამიზნებითი ლითოტრიფსია.
მომავალში ქართველი პაციენტებისთვის არაერთი ინოვაციური მეთოდისა და თანამედროვე სამედიცინო ტექნოლოგიის დანერგვას ვგეგმავთ. ჩვენი მიზანია, მსოფლიო მედიცინის უახლესი მიღწევები საქართველოში ხელმისაწვდომი გავხადოთ. ამიტომ, თვალი ადევნეთ ჩვენს სიახლეებს.
