ტკივილი წელის არეში მსოლიოში მილიონობით ადამიანს აწუხებს და ის ექიმთან მიმართვის ხშირი მიზეზია. ალბათ ძნელად მოიძებნება ადამიანი, რომელსაც ეს ტკივილი ერთჯერ მაინც არ გამოუვლია.
წელის ტკივილი შეიძლება გამოწვეული იყოს მრავალი მიზეზით, მაგ.
- ძლიერი ფიზიკური დატვირთვითა და წელის მიდამოს გაციებით გამოწვეული ზურგის კუნთების სპაზმი, რომელიც ადამიანს იძულებით პოზაში აშეშებს.
- სხვადასხვა მიზეზით გამოწვეული მალთაშუა დისკების ცდომა (არასწორი ვარჯიში, ტრამვა, ხანგრძლივი მჯდომარე პოზა, ჭარბი წონა და სხვა)
ხერხემლის დეგენერაციული და ანთებითი დაავადებები:
- ოსტეოქონდროზი
- სპონდილიტი,
- ოსტეოპოროზი
- მეორადი დაზიანებები სიმსივნური დაავადებების დროს და სხვა
ტკივილი წელის არეში ასევე შეიძლება გამოწვეული იყოს შარდ-სასქესო სისტემის ზოგიერთი დაავადებით, მათ შორის შარდ-კენჭოვანი დაავადებებით, პროსტატის და შარდის ბუშტის სხვადასხვა პათოლოგიებით და სხვა შინაგანი ორგანოების დაავადებებით.
წელის ტკივილის მკურნალობა დამოკიდებულია ტკივილის გამომწვევ მიზეზებზე და თუ ის დასვენების, დათბუნების და ტკივილგამაყუჩებელი აბის მიღების შემდეგ ისევ გრძელდებადა შემაწუხებელია, საჭიროა მიმართოთ ექიმს, რომელიც თქვენი დიაგნოზის მიხედვით მოგცემთ დანიშნულებას. ხშირად მხოლოდ გამოკითხვა და ფიზიკური განსინჯვა არ არის საკმარისი დიაგნოზის დასადგენად და საჭირო ხდება ინსტრუმენტული გამოკვლევების ჩატარება, მათ შორის რენტგენოლოგიური, ექოსკოპიური კვლევა (მიკროექოსკოპია), მაგნიტო-რეზონანსული ტომოგრაფია და სხვა…
წელის ტკივილის პრევენციისთვის მნიშვნელოვანია
- ჯანსაღი ცხოვრების წესი
- ზურგის კუნთების გასამაგრებელი ვარჯიშების შესრულება
- ორგანიზმის გადაცივებისგან თავის დაცვა
- ერთი და იმავე პოზაში დიდხანს ყოფნისთვის თავის არიდება
- ფიზიკური დატვირთვის კონტროლი
გარდა აღნიშნული ზომებისა, ასევე მნიშვნელოვანია ჯანსაღი წონის შენარჩუნება წელის ტკივილის პრევენციის მიზნით. ჭარბი წონა დამატებით ზეწოლას ახდენს ხერხემალზე და შეიძლება გამოიწვიოს მალთაშუა დისკების არასწორი განლაგება. ჯანსაღი წონის შენარჩუნება რეგულარული ვარჯიშით და დაბალანსებული დიეტით არა მხოლოდ დაგეხმარებათ წელის ტკივილის თავიდან აცილებაში, არამედ დაგეხმარებათ თქვენი საერთო ჯანმრთელობის გაუმჯობესებაში.
ასევე აღსანიშნავია, რომ კარგი პოზის შენარჩუნება მნიშვნელოვანი ფაქტორია წელის ტკივილის პრევენციისა და მართვისთვის. ცუდმა პოზამ, შეიძლება გამოიწვიოს დამატებითი დატვირთვა ზურგის კუნთებსა და ხერხემალზე, რაც იწვევს ტკივილს და დისკომფორტს. მნიშვნელოვანია როგორც ჯდომის ასევე დგომის დროს წელში იყოთ გასწორებული.
ალტერნატიული თერაპიებიებმა, როგორებიცაა ქიროპრაქტიკულა, აკუპუნქტურა და მასაჟის თერაპია, ასევე შეიძლება მოგანიჭოთ შვება წელის ტკივილის დროს. თუმცა, ნებისმიერი ალტერნატიული თერაპიის ჩატარებამდე მნიშვნელოვანია ექიმთან კონსულტაცია, რადგან ზოგ შემთხვევაში მათ შეუძლიათ უარყოფითი გავლენა იქონიონ ტკივილის გამომწვევ მიზეზზე
