ჭარბი წონა, სიმსუქნე და მათი გართულებები

ჭარბი წონა თანამედროვეობის აქტუალური პრობლემაა – მის ჩამოყალიბებაში მნიშვნელოვანია გენეტიკა, რომელსაც ხელს უწყობს არასწორი კვება და ფიზიკური დატვირთვის არარსებობა. ხშირად სიმსუქნის მიზეზი შესაძლოა სტრესი, ადამიანის ემოციური მდგომარეობა გახდეს, რადგან ასეთ დროს ცდილობენ სტრესი ჩაანაცვლონ რაიმე სასიამოვნოთი, ამ შემთხვევაში საკვებით, საბოლოოდ კი სისმუქნე ყალიბდება.

ჭარბი წონა აზიანებს სისხლძარღვებს რამაც შესაძლოა ადამიანი ინფარქტამდე მიიყვანოს. გულ-სისხლძარღვთა პრობლემა პირდაპირ არის დაკავშირებული ზედმეტ კილოგრამებთან.

ჭარბი წონის მნიშვნელოვანი გართულებები:

ერექციული დისფუნქცია
შარდის შეუკავებლობა
თირკმლის ქრონიკული უკმარისობა
ჰიპოგონადიზმი
გულის დაავადებები
შაქრიანი დიაბეტი ტიპი 2
ძილის ობსტრუქციული აპნეა
სიმსივნეები
ოსტეოართრიტი და ა.შ

მნიშვნელოვანია, რომ ჭარბ წონას თან ახლავს ჰორმონალური დისბალანსი

რჩევები ჭარბი წონის ეფექტური მართვისთვის.

იმისთვის, რომ დაძლიონ ჭარბი წონა, ადამიანები ხშირად მიმართავენ სხვადასხვა პოპულარულ, თუ ნაკლებად ცნობილ დიეტებს, თუმცა შედეგი ყოველთვის დროებითია და მოსდესვს გარკვეული გართულებები, მაგალითად ნივთიერებათა ცვლის დარღვევა. დიეტისგან მიღწეული შედეგის შესანარჩუნებლად, თავდაპირველად უნდა გაიაროთ კონსულტაცია ენდოკრინოლოგთან, აუცილებელია დადგინდეს სიმსუქნის გამომწვევი მიზეზი და შემდგომი სტრატეგიის დაგეგმვა ინდივიდუალურად.

საკვებში უნდა შეიზღუდოს ცხოველური ცხიმი და იოლად ასათვისებელი ნახშირწყლები, ტკბილეული, უნდა დაიცვათ ფიზიოლოგიური თანაფარდობა. ნახშირწყლებთან ერთად მიიღეთ ცილოვანი საკვები.

ცხიმის დასაწვავად აუცილებელია სწორად შეარჩიოთ ვარჯიშები. ამისათვის შეგიძლიათ გამოიყენოთ ინტერნეტ სივრცეში არსებული ვარჯიშები, ასევე სპორტ დარბაზებში პროფესიონალი ტრენერი. შეეცადეთ ფიზიკური დატვირთვა გახადოთ თქვენი ცხოვრების ნაწილი. ბევრი ისეირნეთ ფეხით, მაქსიმალურად გაზარდეთ ფეხით გავლილი მაძილის რაოდენობა.

მენტალური ჯანმრთელობის როლი

წონის მართვა არ არის მხოლოდ ჯანსაღი დიეტის დაცვა და რეგულარული ვარჯიში; ის ასევე გულისხმობს მენტალურ ჯანმრთელობაზე ზრუნვასაც. სტრესი, შფოთვა და დეპრესია ხშირად იწვევს ჭარბ კვებას, რაც თავის მხრივ ხელს უწყობს წონის მატებას. აქედან გამომდინარე, აუცილებელია სტრესისა და ემოციური ფონის მართვა. ამის მიღწევა შესაძლებელია, თერაპიის ან სტრესის შემამცირებელი სხვა აქტივობებით. მენტალურ ჯანმრთელობაზე ზრუნვა დაგეხმარებათ, როგორც სიმსუქნისგან გამოწვეული გართულებების თავიდან აცილებაში ასევე ცხოვრების ხარისხის გაუმჯობესებაში.

არანაკლებ მნიშვნელოვანია ძილისა და წყლის როლი სიმსუქნის მართვაში. ძილის ნაკლებობამ შეიძლება გამოიწვიოს ჰორმონალური დისბალანსი, რაც იწვევს მადის მომატებას. საკმარისი ძილი (მინუმუმ 8 საათი) ძალიან მნიშვნელოვანია ჭარბი წონის მართვის პროცესში. ანალოგიურად, საკმარისი წყლის მიღება დღის განმავლობაში არანაკლებ მნიშვნელოვანია მეტაბოლიზმისა და საჭმლის მომნელებელი სისტემის სწორი ფუნქციონირებისთვის.

ქარაზანაშვილის რობოტული ცენტრი გთავაზობთ ჭარბი წონის დიაგნოსტიკურ კვლევებს

დაგვიკავშირდით:
☎ ტელ.: 0322 23 40 23
✉ ელფოსტა: [email protected]

სტატია ატვირთულია 2019 წელს.

დაგვიკავშირდით

„ქარაზანაშვილის რობოტული ცენტრი“ გახლავთ კავკასიაში ერთადერთი კლინიკა, სადაც რობოტული ოპერაციები ტარდება.

ჩვენი ფილიალები

„ქარაზანაშვილის რობოტული ცენტრი“ მოიცავს ხუთ ფილიალს როგორც თბილისში, ასევე ქვეყნის მასშტაბით ბათუმში, ქუთაისსა და ზუგდიდში.

რობოტული ქირურგია

„ქარაზანაშვილის რობოტული ცენტრი“ პირველი რობოტული ქირურგიის ცენტრია კავკასიასა და საქართველოში, სადაც ტარდება ურთულესი რობოტული ქირურგიული ჩარევები შარდ-სასქესო და მუცლის ღრუს ორგანოებზე.