პროსტატის კიბო მამაკაცებში ერთ-ერთ ყველაზე გავრცელებულ დაავადებას წარმოადგენს. ლოკალიზებული დაავადების სამკურნალოდ რობოტ-ასისტირებული რადიკალური პროსტატექტომია სასურველ ქირურგიულ მეთოდად ითვლება, რაც განპირობებულია მისი მაღალი სიზუსტითა და გართულებების დაბალი მაჩვენებლით.
მოცემული კვლევა, რომელიც ჩატარდა მაღალტექნოლოგიურ ევროპულ ცენტრში, ერთმანეთს
ადარებს ახალი რობოტული სისტემის, Toumai MT-1000-ისა და დამკვიდრებული da Vinci Xi პლატფორმის ადრეულ პოსტოპერაციულ შედეგებს 80 თანმიმდევრულ შემთხვევაში. კვლევის მიზანი იყო ქირურგიული დროის, სისხლის დანაკარგის, ჰოსპიტალიზაციის ხანგრძლივობის, შარდის შეკავების უნარის აღდგენისა და ქირურგების სწავლის მრუდის ექვივალენტობის დადგენა.
შედეგები აჩვენებს მსგავს ეფექტურობას ყველა პარამეტრში. გამოცდილმა ქირურგებმა სწრაფად აითვისეს ახალი სისტემა, რაც მიუთითებს იმაზე, რომ შესაძლებელია ნაკლებ ხარჯიანი ალტერნატივების უსაფრთხოდ ინტეგრირება კლინიკურ პრაქტიკაში, რაც კიდევ უფრო ხელმისაწვდომს გახდის მაღალტექნოლოგიურ ქირურგიულ მომსახურებას.
„2025 წლის მაისიდან ნოემბრამდე, აგოსტინო ჯემელის საუნივერსიტეტო კლინიკაში ჩატარდა შედარებითი კვლევა, რომლის მიზანიც იყო Toumai®-ს ქირურგიული რობოტისა და da Vinci Xi ქირურგიული სისტემის კლინიკური მუშაობის შეფასება რობოტ-ასისტირებული რადიკალური პროსტატექტომიის დროს.“
„ჯამში, შემთხვევითობის პრინციპით, შეარჩიესპროსტატის კიბოს მქონე 80 პაციენტი და 1:1 თანაფარდობით გადაანაწილეს Toumai®-ს ჯგუფსა და da Vinci Xi-ის ჯგუფში, 45-დღიანი პოსტოპერაციული დაკვირვებით. ყველა პროცედურა ჩატარდა რვა ქირურგის მიერ, რომლებსაც აქვთ da Vinci-ს სისტემის გამოყენებით რობოტულ ქირურგიაში მუშაობის დიდი გამოცდილება. თანმიმდევრულობისა და შედარებისთვის, ორივე ჯგუფში გამოყენებულ იქნა სტანდარტიზებული ტრანსპერიტონეალური მიდგომა და იდენტური ქირურგიული ნაბიჯები.
ძირითადი მიგნებები: ორივე ჯგუფმა აჩვენა მსგავსი შედეგები უსაფრთხოებისა და ეფექტურობის ყველა ძირითად ასპექტში: ორივე ჯგუფში დადებითი ქირურგიული კიდის მაჩვენებელი იყო 17.5%, დროის კუთხითToumai®-ის შემთხევაში საოპერაციო დრომ შეადგინა 192.5 წუთი ხოლო da Vinci Xi-ის შემთხვევაში 183.5; ორივე ჯგუფში სისხლის სავარაუდო დანაკარგი იყო 150 მლ ; ჰოსპიტალიზაციის ხანგრძლივობა საშუალოდ 2 დღეს შეადგენდა ორივე ჯგუფში; ხოლო 45-დღიან პოსტოპერაციულ შედეგებში მნიშვნელოვანი სხვაობა არ დაფიქსირებულა.
ოპერაციის დროს არ დაფიქსირებულა არანაირი გართულება, ღია ქირურგიაზე გადასვლის შემთხვევები ან აპარატურული გაუმართაობა. 30 დღის განმავლობაში პოსტოპერაციული გართულებების (Clavien–Dindo ხარისხი ≥ II) მაჩვენებელი Toumai®-ს ჯგუფში იყო 7.5%, ხოლო da Vinci-ს ჯგუფში — 12.5%.
დასკვნა და მნიშვნელობა
- შესაწავლის ანალიზი: მიუხედავად იმისა, რომ ქირურგებს მანამდე მხოლოდ da Vinci-ს პლატფორმაზე ჰქონდათ ნამუშევარი, Toumai® სისტემას დამატებითი ბარიერები არ შეუქმნია. CUSUM ანალიზმა აჩვენა, რომ უნარების გადატანა ერთი პლატფორმიდან მეორეზე სწრაფად და ეფექტურად ხდება.
- კვლევის ღირებულება: ეს არის პირველი საერთაშორისო პირდაპირი (head-to-head) შედარება Toumai®-სა და უკვე დამკვიდრებულ რობოტულ პლატფორმას შორის. კვლევა ადასტურებს, რომ Toumai® მზადაა ფართო კლინიკური გამოყენებისთვის.
- ტექნოლოგიური უპირატესობა: ტექნოლოგიური პლუსები: Toumai-ს რობოტს აქვს შეხების შეგრძნების ფუნქცია (ქირურგი ხელებით გრძნობს ქსოვილის სიმკვრივეს) და 5G ინტერნეტის მხარდაჭერა. ეს საშუალებას იძლევა, გამოცდილმა ექიმებმა ოპერაციას დისტანციურად ადევნონ თვალი და სხვებს ასწავლონ.
