კლინიკური კვლევები

ქარაზანაშვილის რობოტული ცენტრი ჩართულია  მულტიცენტრულ კვლევებში, რომელიც მსოფლიოს წამყვანი ქვეყნების პრაქტიკაში წარმატებით არსებობს და საერთაშორისო ორგანიზაციების მონიტორინგის ქვეშ, უმაღლესი სტანდარტებით ხორციელდება. ეგრეთ წოდებული მესამე ფაზის კვლევა გულისხმობს,  კონკრეტული ანტიბიოტიკების ეფექტურობის შედარებას, მკურნალობის პრაქტიკაში უკვე არსებულ და გამოცდილ მედიკამენტებთან.  აღნიშნული  ანტიბიოტიკები  მიზანმიმართულია საშარდე გზების ინფექციისა და მწვავე პიელონეფრიტის სამკურნალოდ. აღსანიშნავია, რომ კვლევაში ჩართული პაციენტები უნდა აკმაყოფილებდნენ  პროგრამით გათვალისწინებულ კრიტერიუმებს  შემდეგი სიმპტომებით: ხშირი შარდვა, წვა შარდვის დროს, იმპერატიული მოშარდვის სურვილი, მაღალი ტემპერატურა შემცივნებით და ა.შ. მსგავსი სიმპტომების მქონე პაციენტების კვლევებში მონაწილეობა სრულიად უფასოა და არ არის დაკავშირებული არანაირ ფინანსურ ხარჯთან.

პროგრამის ფარგლებში, პაციენტებს კვლევები პროტოკოლით გათვალისწინებული გეგმის  მიხედვით  უტარდებათ, რაც   კლინიკაში  მათ  5-დან 10-დღემდე დაყოვნებას გულისხმობს, რადგან სახლის პირობებში მკურნალობის იგივე წარმატებით განხორციელება შეუძლებელია.

აღნიშნული კვლევები განკუთვნილია პაციენტების იმ კატეგორიისთვის, რომლებიც მოტივირებულნი არიან ჩაუტარდეთ ხარისხიანი მკურნალობა, მაღალკვალიფიციური სპეციალისტების მეთვალყურეობის ქვეშ.  

კვლევების მაღალი ხარისხის და საერთაშორისო დონის კვალიფიციურობის განმაპირობებელი ერთ-ერთი ფაქტორი  გახლავთ ის, რომ ადგილობრივად ჩატარებული ანალიზების შედეგების შემოწმება, ცენტრალური საავადმყოფოს ლაბორატორიაში ხდება, (ბელგია, ამერიკა) რის შემდეგაც შესაძლებელია დაავადების მკურნალობის სწორი მიმართულება განისაზღვროს.

კლინიკას მსგავსი კვლევების ჩატარების  დიდი გამოცდილება გააჩნია, რადგან მკურნალობა კომპეტენტური,  პროფესიონალი ექიმებით დაკომპლექტებული გუნდის ორგანიზებით ხდება, შესაბამისად ქარაზანაშვილის რობოტული ცენტრი  კვლევებში ჩართულობა ითვალისწინებს  საშარდე გზების ინფექციების მქონე პაციენტების, უფასოდ მკურნალობას, კლინიკის ექიმების, ექთნების და კოორდინატორების  მაღალკვალიფიციურობითა და კონტროლით.

სტატია ატვირთულია 2019 წელს.