თირკმლისა და შარდსაწვეთის ნებისმიერი ზომის და შემადგენლობის კენჭის დაშლა STORZ-ის კენჭის დაშლის ცენტრში
ამ მეთოდზე საუბრობს “ქარაზანაშვილის რობოტული ცენტრის” წამყვანი სპეციალისტი, უროლოგი გურამ ქარაზანაშვილი:
“კენჭის დაშლა დღეს ახალი თაობის ენდოსკოპებით ხდება. პროცედურა ტარდება რენტგენ-საოპერაციოში. რენტგენის აპარატი საჭიროა ენდოსკოპის ორგანიზმში გადაადგილების კონტროლისათვის. მისი დასხივების დოზა არის მინიმალური, ხოლო ვიზუალიზაცია – საუკეთესო. ენდოსკოპის ბოლოში მოთავსებულია ვიდეოკამერა, რომელიც ინფორმაციას გადასცემს დიდ ეკრანზე. ლაზერი შლის კენჭებს ფრაგმენტებად, რომლებსაც მექანიკურად გამოიტანენ საშარდე გზებიდან.
თუმცა, დღეს ფრაგმენტების მექანიკურ ევაკუაციას თითქმის აღარ ვიყენებთ, რადგან იმდენად მაღალი ხარისხის ლაზერებია, რომლებიც ფაქტობრივად ფხვნილად აქცევს კენჭებს და ეს ფხვნილი თავისით გამოიდევნება”-გურამ ქარაზანაშვილი
“ქარაზანაშვილის რობოტული ცენტრი” გთავაზობთ თირკმლისა და შარდსაწვეთის ნებისმიერი ზომის და შემადგენლობის კენჭის დაშლასა და მკურნალობას მსოფლიო მედიცინის სტანდარტების შესაბამისი მეთოდებით.
სტატია ატვირთულია 2022 წელს.
