რობოტული ულტრაბგერითი თერაპია – „Focal One“, რომელიც პროსტატის კიბოს უოპერაციო მკურნალობის ინოვაციური მეთოდია, ჯერ კიდევ 2020 წლის მიწურულს, ერთდროულად დაინერგა ქარაზანაშვილის რობოტულ ცენტრსა და აშშ–ის ისეთ წამყვან კლინიკებში, როგორიცაა კალიფორნიის უნივერსიტეტი, სან–ფრანცისკოს სამედიცინო ცენტრი და კლივლენდის კლინიკა. თერაპია გერმანიაში პირველად ონკო-უროლოგიის საუნივერსიტეტო კლინიკაში გამოიყენეს. პროცედურა აერთიანებს ფოკალურ თერაპიასა და რობოტის ჩართულობას.
ახალი სისტემა საშუალებას იძლევა, რომ დიაგნოსტიკის ჩატარება მოხდეს სამგანზომილებიანი გამოსახულებით, MRI-ის, ულტრაბგერების და რობოტის გამოყენებით. პროცედურა მიმდინარეობს მცირე ინვაზიური მეთოდით და რაც მთავარია, მაღალი ინტენსივობის ფოკუსირებული ულტრაბგერებით.
გერმანიაში 2014 წელს 70, 000 ათასამდე მამაკაცს გამოუვლინდა პროსტატის კიბო, ამის გამო ის მამრობითი სქესის ყველაზე გავრცელებულ სიმსივნურ დაავადებად აღიარეს.
ამ დროს მამაკაცებს უწევთ არჩევანი გააკეთონ რადიკალურ თერაპიასა და აქტიურ მონიტორინგს შორის. ამ საკითხზე და “Focal one”-ის უპირატესობებზე პროფესორი და გერმანიის ონკო-უროლოგიის საუნივერსიტეტო კლინიკის დირექტორი, მარტინ შოსტაკი საუბრობს:
“ბოლო წლებში, ფოკალურმა თერაპიამ თავი დაიმკვიდრა, როგორც წარმატებულმა საშუალებამ პროსტატის კიბოს მკურნალობაში, რომელიც პაციენტებს საშუალებას აძლევს, რომ შეინარჩუნონ პროსტატის უმეტესი ნაწილი.
ახალი რობოტული მოწყობილობა „Focal One“ მაღალი ინტენსივობის ფოკუსირებული ულტრაბგერის (HIFU) შემდგომი განვითარებაა. ამ პროცედურის დროს ულტრაბგერითი ტალღები ფოკუსირებულია პროსტატის რამდენიმე მცირე კეროვან წერტილზე, სადაც ენერგია გარდაიქმნება სითბოდ და სიმსივნე ნადგურდება დაახლოებით 80 გრადუს ცელსიუს ტემპერატურაზე.
მკურნალობა მთავრდება ერთ პროცედურაზე ისე, რომ სწორი ნაწლავის დაზიანება და პოტენციის დაქვეითება არ მოხდება.
ახალი აპარატი აკმაყოფილებს ყველა მოთხოვნას. მაგალითად, ეს არის სიზუსტე ინდივიდუალური ოპერაციების დაგეგმვისას, რაც ფოკალური თერაპიის დროს კიდევ უფრო საიმედოს ხდის მკურნალობის პროცესსა და შედეგს.
წინა თაობის მოწყობილობებისგან განსხვავებით, „Focal one“ გამოირჩევა არა მხოლოდ ცოცხალი ულტრაბგერებით, არამედ სხვა გამოსახულებითი მეთოდებით, როგორიცაა მრავალპარამეტრული მაგნიტურ-რეზონანსული გამოსახულება რომელიც შეიძლება შეერწყას სამგანზომილებიან გამოსახულებას, რაც დინამიური ფოკუსირების საშუალებას იძლევა. ეს ნიშნავს, რომ თერაპიის დროს მოწყობილობა ზუსტად იქნება მორგებული სიმსივნურ სამიზნე არეალზე.
თერაპიის დროს რობოტის დახმარებით ხორციელდება იმდენად ზუსტი დიაგნოსტირება, რომ მცირე ცვლილებებიც კი, როგორიცაა ნაწლავის ლორწოვანი გარსის მოძრაობა, სრულად, ავტომატურად კომპენსირებული იქნება ავტოპილოტის დახმარებით. იგივე პროცედურაში, ექიმებს შეეძლიათ შეამოწმონ მკურნალობის შედეგი სონოგრაფიული გამოკვლევებით.
„Focal One“-ით ძალიან კარგ ალტერნატივას ვთავაზობთ მამაკაცებს, რადგან თერაპია მათ ჰპირდება ცხოვრების მაღალი ხარისხით შენარჩუნებას. პროცედურა განსაკუთრებით განკუთვნილია მათთვის, ვინც ვერ იღებს რადიკალური ჩარევის გადაწყვეტილებას. თერაპია ტარდება ადგილობრივი ანესთეზიით და გრძელდება 30 წუთიდან-ორ საათამდე. სტაციონარში ყოფნის ხანგრძლივობაა 3-4 დღე. ეს არის ჯანმრთელობის დაზღვევის სარგებელი”, – აღნიშნავს მარტინ შოსტაკი.
გერმანიის კიბოს საზოგადოების მიერ დამოწმებული კვლევის (“HEMI”, AUO AP 68/11) შედეგად დადგინდა, რომ ფოკალურ თერაპიას – “Focal One” შეუძლია პროსტატის სიმსივნის მკურნალობა ქირურგიული ჩარევის გარეშე, მინიმუმამდე დაყვანილი გვერდითი ეფექტებით და რაც მთავარია, ჯირკვლის ფუნქციის შენარჩუნებით (მაგ. ეაკულაცია).
პროცედურა საქართველოში – ქარაზანაშვილის როოტულ ცენტრში 2021 წლიდან კეთდება. ქართული კლინიკა პროსტატის კიბოს ადრეულ დიაგნოსტიკასა და მკურნალობაში მსოფლიოსა და რეგიონში ერთ-ერთი უპირობო ლიდერია.ქარაზანაშვილის რობოტული ცენტრი , იმ მოწინავე სამედიცინო დაწესებულებებთან ერთად დგას, რომლებიც თანამედროვე ტექნოლოგიების დახმარებით ადამიანების ჯანმრთელობაზე ზრუნავენ.
