პროფესორი, ექიმი მარკუს გრაფენი, გერმანიის მარტინის კლინიკის სამედიცინო დირექტორი,
პროსტატის ცენტრის ხელმძღვანელი და რობოტული ქირურგიის გამორჩეული ექსპერტი პირველად ეწვია საქართველოსა და ქარაზანაშვილის რობოტულ ცენტრს.
ვიზიტის ფარგლებში პროფესორ გურამ ქარაზანაშვილთან ერთად ჩატარდა ერთობლივი, ურთულესი რობოტული ოპერაციები და დეტალურად იქნა განხილული რთული კლინიკური შემთხვევები.ბატონ მარკუსს წარვუდგინეთ ჩვენი კლინიკის დიდი გამოცდილება პროსტატის კიბოს სკრინინგში, დიაგნოსტიკასა და რობოტულ ქირურგიაში.
განსაკუთრებული ყურადღება დაეთმო ისეთი შემთხვევების მართვას როგორიცაა ოლიგომეტასტაზური, შორსწასული და ლოკალურად გავრცელებული სიმსივნეები.
პროფესორი გრაფენი აღფრთოვანებული დარჩა კლინიკის მუშაობის ხარისხითა და შედეგებით. შეხვედრის ბოლოს დაისახა სამომავლო გეგმები მჭიდრო სამეცნიერო და პრაქტიკული თანამშრომლობის მიმართულებით.
ეს პარტნიორობა კიდევ ერთხელ ადასტურებს, რომ ქარაზანაშვილის რობოტული ცენტრი რეგიონში არის წამყვანი კლინიკა რობოტული ქირურგიის მიმართულებით და პაციენტებს სთავაზობს მსოფლიო სტანდარტის მკურნალობას.
