როგორც მოგეხსენებათ, პროსტატის კიბო არის დაავადება, რომელიც უსიმპტომოდ მიმდინარეობს, ამიტომ აუცილებელია მისი დროული გამოვლენა. პროსტატის კიბოს მიკრო ულტრაბგერითი სკრინინგის ზუსტი და ეფექტური დიაგნოსტიკისტვის სისხლში PSA ანალიზის განსაზღვრის გარდა , საჭიროა სხვა თანამედროვე კვლევითი მეთოდების გამოყენება. ეს არის პროსტატის მიკრო ულტრაბგერა და საჭიროების შემთხვევაში დამიზნებითი ანუ თარგეტული ბიოფსია მიკრო ულტრაბგერის კონტროლით.
რა არის მიკრო ულტრაბგერა?
ეს არის უახლესი ტექნოლოგია, რომელიც გამოიყენება პროსტატის კიბოს გამოსაკვლევად. პროსტატის კიბოს ადრეული დიაგნოსტიკა იმდენად დიდი გამოწვევაა მსოფლიოში, რომ ზუსტად ამ მიზეზის გამო შეიქმნა მიკრო ულტრაბგერის აპარატი.
განსხვავება ექოსკოპიური კვლევისაგან- არის ის რომ იგი იყენებს მაღალი სიხშირის ხმის ტალღას 29 MHZ ( 5- 10 MHZ ნაცვლად), შესაბამისად იძლევა 300 %-ით უფრო ზუსტ და მკვეთრ გამოსახულებას ქსოვილის უჯრედულ დონეზე. მას შეუძლია გამოავლინოს ძალიან მცირე ზომის ( თმის ღერისოდენა) სიმსივნეზე საეჭვო უბანიც კი.
პროცედურა არის ხანმოკლე და MRI კვლევასთან შედარებით აქვს რამდენიმე უპირატესობა:
- პროცედურის ხანმოკლე პერიოდი , კვლევის პასუხი შესაძლებელია პაციენტმა მიიღოს იმავე დღეს
- კვლევის ჩატარებისთვის არ არის საჭირო პაციენტის სპეციალური მომზადება
- პროცედურის ჩატარების უკუჩვენებას არ წარმოადგენენ ისეთი პარამეტრები, როგორიც არის პაციენტის ჭარბი წონა, კლაუსტროფობია, იმპლანტების არსებობა სხეულში და ა.შ.
- ფინანსურად მეტად დამზოგველი
რა არის პროსტატის ტრანსრექტალური და ტრანსპერინეალური ბიოფსია მიკროულტრაბგერის კონტროლით?
პროსტატის ტრანსრექტალური და ტრანსპერინეალური თარგეტული ბიოფსია მიეკუთვნება მცირე პროცედურას უროლოგიაში. პროცედურის დროს სპეციალური გადამწოდი თავსდება სწორ ნაწლავში, რომელიც ახდენს პროსტატის ვიზუალიზაციას, ხდება სიმსივნეზე საეჭვო უბნის გამოვლენა და მისი ბიოფსია. პროცედურა არის ხანმოკლე (დაახლოებით 10 წთ). ტარდება ამბულატორიულ პირობებში- ამ შემთხვევაში საკმარისია მხოლოდ მსუბუქი ანესთეზია ლიდოკაინის ხსნადით. ტრანსპერინეალური ბიოფსია ( როცა ნემსი შედის შორისის მიდგომით) ტარდება სტაციონარულ პირობებში , მსუბუქი ანესთეზიით. პაციენტი ეწერება კლინიკიდან იმავე დღეს. უპირატესობები ტრანსპერინეალური ბიოფსიის – ინფექციის ნაკლები რისკი, ტარდება პროსტატის დიდი მოცულობისშემთხვევაში, შორისის არედან არის წვდომა პროსტატის ნებისმიერ უბანში.
პროსტატის ბიოფსია მიკრო ულტრაბგერის კონტროლით ეფექტურად ავლენს პროსტატის კიბოზე საეჭვო უბნებს და პრაქტიკულად 100 %-ით დამიზნებით ახორციელებს ქსოვილის აღებას საეჭვო უბნიდან. მისი ეფექტურობა დამტკიცებულია სამეცნიერო კვლევებით.
თუმცა მხოლოდ აქ არ მთავრდება მისი ეფექტურობა. შესაძლებელია ჩატარდეს FUSION ბიოფსია. ეს მეთოდი წარმოადგენს პროსტატის ბიოფსიის უმაღლეს მიღწევას, რომელიც არის უახლესი სიტყვა თანამედროვე მედიცინაში. თუ პაციენტსაქვს გადაღებული MRI კვლევა, შესაძლებებილია პროსცედურის დროს „Live“ რეჯიმში განხორციელდეს მაგნიტურ რეზონანსული ტომოგრაფიის გამოსახულების შერწყმა მიკრო ულტრაბგერის გამოსახულებასთან უზუსტესი დეტექციის და შესაბამისადქსოვილის მასალის აღებისთვის საეჭვო უბნიდან.
