შარდის ბუშტის კიბოს რადიკალური მკურნალობა ონკოქირურგიაში ყველაზე რთულ და მასშტაბურ გამოწვევად ითვლება. შარდის ბუშტის სრული ამოკვეთა და ახალი ხელოვნური შარდის ბუშტის სხეულის შიგნით შექმნა რობოტული ქირურგიის უმაღლესი მწვერვალია, რაც მთელ რეგიონში მხოლოდ ჩვენთან არის შესაძლებელი.
ეს უნიკალური მიდგომა საქართველოსა და კავკასიაში პირველად საერთაშორისოდ აღიარებულმა ონკოუროლოგმა, მსოფლიო უროლოგიური ონკოლოგიის ფედერაციის (WUOF) საბჭოს წევრმა და ევროპული კლინიკური გამოცდილების მქონე პროფესორმა გურამ ქარაზანაშვილმა დანერგა. დღეს ამ ურთულეს, ოპერაციებს პირადად პროფესორი ქარაზანაშვილი თავის გუნდთან ერთად ყოველდღიურ პრაქტიკაში წარმატებით ასრულებს.
რატომ არის ეს ოპერაცია რევოლუციური პაციენტისთვის?
მართალია, ხელოვნური შარდის ბუშტის შექმნა ტრადიციული ღია ქირურგიითაც ტარდება, თუმცა ღია წესით ჩატარებული ოპერაცია უზარმაზარ განაკვეთთან, სისხლის დიდ დანაკარგთან და პოსტოპერაციულ მძიმე გართულებებთან არის დაკავშირებული.
პროფესორ გურამ ქარაზანაშვილის მიერ შესრულებული რობოტული ოპერაცია რადიკალურად ცვლის მკურნალობის უსაფრთხოებასა და შედეგს:
- ცხოვრების უმაღლესი ხარისხი და შარდვის ბუნებრივი გზა: ახალი, ხელოვნური შარდის ბუშტი იქმნება პაციენტის საკუთარი ნაწლავისგან მთლიანად სხეულის შიგნით (ინტრაკორპორულად), ყოველგვარი დიდი განაკვეთის გარეშე. ეს უზრუნველყოფს შარდის ბუნებრივი გამოყოფის სრულ შენარჩუნებას, სრულფასოვან დამოუკიდებლობასა და ყოველდღიურ კომფორტს სტომის გარეშე.
- მინიმალური ქირურგიული ტრავმა და სწრაფი რეაბილიტაცია: რობოტის მილიმეტრული მანევრირება და 3D ოპტიკა გამორიცხავს დიდ ჭრილობებს. მინიმალური სისხლკარგვა და მცირე ჩხვლეტები მნიშვნელოვნად ამსუბუქებს პოსტოპერაციულ პერიოდს, პაციენტი კი აქტიურ ყოველდღიურობას უმოკლეს დროში უბრუნდება.
- მსოფლიო დონის ქირურგია ქვეყნიდან გაუსვლელად – 10-ჯერ უფრო ხელმისაწვდომ ფასად: პაციენტს აღარ უწევს საზღვარგარეთ გამგზავრება. პროფესორი გურამ ქარაზანაშვილი ამ ოპერაციას ატარებს აშშ-ისა და ევროპის წამყვანი კლინიკების უმაღლესი სტანდარტით, თუმცა უცხოურ კლინიკებთან შედარებით 10-ჯერ უფრო ხელმისაწვდომ ფასად.
რობოტულ ქირურგიაში – ყველაზე დიდი გამოცდილება საქართველოში
როგორც რეგიონში რობოტიკის დამფუძნებელი და პიონერი გუნდი, ჩვენ ვფლობთ ყველაზე დიდ კლინიკურ პრაქტიკას, რაც პაციენტის უსაფრთხოებისა და საუკეთესო ონკოლოგიური შედეგის მთავარი გარანტიაა.
პროფესორ გურამ ქარაზანაშვილის რობოტული ცენტრი ერთ ჭერქვეშ აერთიანებს თანამედროვე უროლოგიის ყველა წამყვან მიმართულებას:
- შარდის ბუშტის კიბო: რადიკალური ამოკვეთა და ახალი ხელოვნური შარდის ბუშტის შექმნა სხეულის შიგნით;
- პროსტატა: პროსტატის კიბოსა და ადენომის რობოტული ოპერაციები ნერვდამზოგი ტექნიკით, შარდის შეუკავებლობის მინიმალური რისკითა და მამაკაცის ფუნქციების სრული შენარჩუნებით;
- თირკმელი: თირკმლის შემანარჩუნებელი (ორგანოშემნახველი) რობოტული ოპერაციები დიდი ზომის სიმსივნეების დროსაც კი;
- რეკონსტრუქციული ქირურგია: სხვა ურთულესი ჩარევები საშარდე და სასქესო სისტემაზე, როგორც ქალებში, ისე მამაკაცებში.
ენდეთ რეგიონში რობოტული ქირურგიის ფუძემდებელს – პროფესორ გურამ ქარაზანაშვილსა და მის გუნდს, რომელთაც ყველაზე დიდი გამოცდილება და ასობით წარმატებული ოპერაცია უმაგრებთ ზურგს.
