მკერდის ტკივილი დაკავშირებულია სხვდასხვა ფიზიოლოგიურ მდგომარეობასთან, ის შეიძლება იყოს მენსტრუალური ციკლის პერიოდისთვის დამახასიათებელი სიმპტომი, ჩვეულებრივ ტკივილი ციკლის დაწყებამდე ერთი კვირით ადრე იჩენს თავს. ამის მიზეზი კი ჯირკვლის ფიბროკისტოზური ცვლილებები და ჰორმონთა დონის ციკლური ცვლილებები შეიძლება იყოს.
სარძევე ჯირკვლის ტკივილი ანუ მასტალგია – სარძევე ჯირკვლის ფიზიოლოგიური შეშუპებაა, როგორც ვთქვით მენსტრუაციის წინა პერიოდს ემთხვევა, მიზეზი კი სარძევე ჯირკვლის ქსოვილებში განვითარებული ცვლილებებია. ამ დროს სარძევე ჯირკვლის პალპაციით (თითებით ისინჯება ქსოვილის სიმკვრივე და კონსისტენცია) ისინჯება ოდნავ გადიდებული მრავლობითი ჯირკვლოვანი წარმონაქმნები, მკერდის დაჭიმულობა და მცირე ტკივილი, რომელიც იღლიის ხაზისკენ გადადის. ამ მდგომარეობას “ფიბროკისტურ დაავადებას” უწოდებენ.
მკერდის ტკივილი ასევე დაკავშირებულია მენოპაუზასთან, სარძევე ჯირკვლების გადიდებასთან ან გარკვეული სახის ტრამვასთან. მენოპაუზა იწყება მაშინ, როდესაც საკვერცხეებში ფოლიკულები გამოილევა. ფოლიკულების განვითარების შეწყვეტას ესტრადიოლისა და სხვა ჰორმონების გამომუშავების დაქვეითება იწვევს. სისხლში ესტროგენების რაოდენობის დაქვეითება ესტროგენების მოქმედების ქვეშ მყოფ ორგანოებზე იწვევს ცვლილებებს მაგალითად სარძევე ჯირკვლებზე.
განსაკუთრებით მძაფრია ტკივილი მაშინ როცა, მას მასტიტი იწვევს. მასტიტი – სარძევე ჯირკვლის ანთებაა, რომელიც ხშირად ქალებს მშობიარობის შემდეგ ემართებათ. ანთება, თავს იჩენს მშობიარობიდან ორ კვირაში. მისი გამწვავების შემთხვევაში კი აუცილებლად უნდა მიმართოთ მამოლოგს!
თუ მიზეზი არ არის მენსტრუალური ციკლი, მენოპაუზის პერიოდი ან ჰორმონალური კონტრაცეპტივების მიღება, აუცილებელია მამოლოგთან ვიზიტი და ტკივილის მიზეზის გარკვევა. შესაძლოა ის გამოწვეული იყოს გინეკოლოგიური ან თუნდაც ენდოკრინოლოგიური პრობლემისგან. სწორედ ამიტომ საჭიროა კომპლექსური დიგნოსტიკის შედეგად დადგინდეს რეგულარული ტკივილის მიზეზი.
ქარაზანაშვილის რობოტული ცენტრი გთავაზობთ სარძევე ჯირკვლების დაავადებების კომპლექსურ დიაგნოსტიკას და მკურნალობას თანამედროვე სამედიცინო მეთოდებით!
დაგვიკავშირდით: 032 2 23 40 23
სტატია ატვირთულია 2019 წელს.
