ახალი წლის დღეებში, ყველა კერძს უფრო დიდი რაოდენობით მივირთმევთ, ვიდრე ჩვეულებრივ. ალკოჰოლი, მაღალკალორიული, ტკბილი, ცხარე და ცხიმიანი საკვები ხანგრძლივი მიღების შემთხვევაში საფრთხეს უქმნის ჯანმრთელობას. ქვემოთ ჩამოთვლილი სიმპტომები, იმაზე მიგვანიშნებს, რომ ბევრმა ცხიმიანმა და ტკბილმა საკვებმა, თქვენი კუჭი გადატვირთა და საჭიროებს დახმარებას. დღესასწაულების შემდეგ, ძალიან ხშირია ინტოქსიკაცია, რომლის მიზეზიც ალკოჰოლის დიდი რაოდენობა გახლავთ. ალკოჰოლთან ერთად კუჭისთვის მავნებელია, გაზიანი სასმელი, რომლის დიდი დოზით მიღება ართულებს საჭმლის მონელებას, შემდეგ მას მოყვება გულძმარვა, გაზების დაგროვება და ა.შ
დაგეგმეთ ვიზიტი გასტროენტეროლოგთან, განსაკუთრებით ახალი წლის შემდეგ, თუ გაწუხებთ:
- გულძმარვა
- მუცლის შებერილობა და ტკივილი
- პირში არასასიამოვნო სუნი და გემო
- კუჭში სიმძიმის შეგრძნება
- ღებინება
- ხშირი ტკივილი კუჭის არეში
- თუ ანამნეზში გაქვთ გასტრიტი ან წყლულოვანი დაავადება
- კუჭის მოქმედების რეგულარული დარღვევა
- ხანგრძლივი დიარეა ან შეკრულობა
- სისხლი ან ლორწო განავალში
- თუ არსებობს გენეტიკური წინასწარგანწყობა, პოლიპების ან მსხვილი ნაწლავის ავთვისებიანი სიმსივნის მხრივ
ჩაიტარეთ ულტრაბგერითი კვლევა
საყლაპავის, კუჭის და თორმეტგოჯა ნაწლავის კვლევა – გასტროსკოპია
კუჭ-ნაწლავის ქვემო ტრაქტის ენდოსკოპიური გამოკვლევა – კოლონოსკოპია
დღესასწაულების შემდეგ ნუ მიმართავთ თვითმკურნალობას, ეწვიეთ სპეციალისტს.
