ამერიკის უროლოგთა ასოციაციის კონგრესზე ქარაზანაშვილის რობოტული ცენტრის ორი სამეცნიერო ნაშრომი მიიღეს!

პროფესორ გურამ ქარაზანაშვილის უროლოგიური ჰაბის სამედიცინო და სამეცნიერო საქმიანობის წყალობით, საქართველო კვლავ მოექცევა მსოფლიო უროლოგთა ყურადღების ცენტრში.  ამერიკის უროლოგთა ასოციაციამ მიმდინარე წლის კონგრესზე ,,ემ-ემ-ტე ჰოსპიტალის’’ ორი სამეცნიერო ნაშრომი მიიღო!

• პროსტატის თარგეტული ბიოფსია მიკრო-ულტრაბგერის კონტროლით- ახალი სტანდარტი პროსტატის კიბოს ადრეულ დიაგნოსტიკაში
• შარდის ბუშტის კიბოს ოპერაცია (ცისტექტომია)  პროფესორ გურამ ქარაზანაშვილის მიერ შემუშავებული ინოვაციური ტექნიკით, რომელმაც მნიშვნელოვნად შეამცირა ამ მასშტაბური ქირურგიული ჩარევის  სიცოცხლისთვის საშიში შემდგომი  გართულებები

მოხსენებას პროფესორი გურამ ქარაზანაშვილი ლას-ვეგასში, მსოფლიოს უდიდეს სამეცნიერო აუდიტორიას წარუდგენს .

ამერიკის უროლოგთა ასოციაციის კონგრესი წარმოადგენს ყველაზე ავტორიტეტულ სამეცნიერო ფორუმს, სადაც ერთ-ერთი უმნიშვნელოვანესია სამეცნიერო სიახლეების ხარისხი, რომლის უზრუნველყოფაც სამეცნიერო ნაშრომების  უმკაცრესი სელექციითა და მაღალკვალიფიციური სამედიცინო კომისიის მეშვეობით ხორციელდება.

შარდის ბუშტის და პროსტატის სიმსივნეების ,  ორი ყველაზე ფართოდ გავრცელებული დაავადების  დიაგნოსტიკისა და მკურნალობის ინოვაციური მეთოდების შესახებ, ამ უაღრესად ავტორიტეტულ სამეცნიერო ფორუმზე , ნაშრომების მიღება, კიდევ ერთი ნათელი მაგალითია იმ გლობალური კურსისა, რომელიც ,,ემ-ემ-ტე ჰოსპიტალს’’ აქვს და დასტური, რომ პროფესორ გურამ ქარაზანაშვილის უროლოგიური   განავითაროს  ულტრათანამედროვე ტექნოლოგიები ადამიანების სასიკეთოდ.

მაშ ასე, რაში მდგომარეობს კონგრესზე მიღებული ნაშრომების მნიშვნელობა და ინოვაციურობა , რა ახალ შესაძლებლობებს ხსნის  ეს კვლევები მედიკოსებისა და მათ პაციენტებისათვის :

როგორც აღვნიშნეთ, კონგრესზე წარდგენილი იქნება პროსტატის ბიოფსიის უახლესი  მეთოდი, რომელიც უკვე დანერეგილია ,,ემ-ემ-ტე ჰოსპიტალში’’ და რომელმაც ერთის მხრივ მნიშვნელოვნად გაზარდა  პროსტატის კიბოს ადრეული გამოვლენის მაჩვენებელი, ხოლოდ მეორეს მხრივ კი- შეამცირა არასაჭირო ბიოფსიების რაოდენობა .

რა არის სიახლე და რაში მდგომარეობს მეთოდის უპირატესობა/პოტენციალი?

პროსტატის თარგეტული ბიოფსია მიკრო-ულტრაბგერის კონტროლით,  ეფუძნება 300%-ით გაუმჯობესებულ ვიზუალიზაციასა და ზუსტ დამიზნებას საეჭვო უბანზე;  ხორციელდება სპეციალურად პროსტატის კვლევისათვის შექმნილი Exact Vu-ს  მიკრო-ულტრაბგერის პლატფორმაზე, რომლის  ტექნოლოგია მუშაობს მაღალი სიხშირით (29 მჰც), იძლევა გარჩევადობის/ვიზულიზაციის უაღრესად მაღალ დონეს, რაც მნიშვნელოვნად აუმჯობესებს პროსტატის საეჭვო დაზიანების გამოვლენას და უზრუნველყოფს ზუსტ, ,,ცოცხალ’’  დამიზნებას. შესაბამისად, გამორიცხავს ,,ბრმა’’ , არასაჭირო ბიოფსიებს, მრავალეტაპიან კვლევებსა და კიბოს ავლენს თითქმის 100% შემთხვევაში.

რაც შეეხება მეორე სამეცნიერო ნაშრომს , შარდის ბუშტის კიბოს ოპერაცია ინოვაციური ტექნიკით:

რადიკალური ცისტექტომია, წარმოადგენს  შარდის ბუშტის კიბოს მკურნალობის სტანდარტულ მეთოდს,  რომელიც, ზოგადად, ქირურგიული მასშტაბითა და სირთულით არის ერთ-ერთი ხანგრძლივი და რთული ოპერაცია. ძირითად პრობლემას კი ოპერაციის შემდგომი  გართულებები წარმოადგენს . სწორედ ამ უკანასკნელთა მაქსიმალურად შესამცირებლად, ემ-ემ-ტე ჰოსპიტალში, პროფესორ გურამ ქარაზანაშვილის მიერ შემუშავებული და დანერგილი იქნა  ახალი ტექნიკა  -პერიტონეუმის დაზოგვა და ახალი შარდის ბუშტის სრული ექსტრაპერიტონიზაცია. ამ ინოვაციური ტექნიკით ოპერაციების შესრულებამ კი  სიცოცხლისთვის საშიში შემდგომი  გართულებები  საერთო პროცენტული მონაცემებით 30,3%-დან – 5,08%-მდე შეამცირა .

აღნიშნული ტექნიკებით შესრულებული ცისტექტომიის ვიდეოაღწერილობა ჯერ კიდევ 2018 წელს მოხსენდა ამერიკის უროლოგთა ასოციაციის კონგრესზე,  ნაჩვენები იყო თუ როგორ ხორციელდება  ცისტექტომია ახლებური ტექნიკით,   წელს, კი ლას-ვეგასში , ამერიკის უროლოგთა ასოციაციის კონგრესზე წარდგენილი იქნება  ახალი ტექნიკებით შესრულებული ცისტექტომიის შედეგები – როგორ შეამცირა ახალმა ტექნიკამ შარდის ბუშტის კიბოს მკურნალობისას მასშტაბური ქირურგიული ჩარევის გართულებები.