კავკასიაში მხოლოდ ქარაზანაშვილის რობოტულ ცენტრში, უნიკალური რობოტული ოპერაცია შარდის ბუშტზე.
შარდის ბუშტის კიბოს გამო ჩატარებული ოპერაცია შარდის ბუშტის სრულ ამოკვეთას გულისხმობდა. მისი განსაკუთრებული მნიშვნელობა კი იმაში მდგომარეობს, რომ პაციენტს ხელოვნური შარდის ბუშტი ნაწლავისგან, სრულად რობოტული ქირურგიის გზით, სხეულის შიგნით შეექმნა. აღსანიშნავია რომ ეს ურთულესი ქირურგიული ჩარევა ჩვენს კლინიკაში უკვე დამკვიდრებული პრაქტიკაა და რუტინულად სრულდება.
ქარაზანაშვილის რობოტული ცენტრი ერთადერთი ცენტრია საქართველოში, სომხეთსა და აზერბაიჯანში, სადაც ხორციელდება რობოტული ინტრაკორპორალური ხელოვნური შარდის ბუშტის შექმნა – ანუ ოპერაცია, რომლის დროსაც ახალი შარდის ბუშტი იქმნება სხეულის შიგნით, დიდი განაკვეთის გარეშე.
აღსანიშნავია, რომ ხელოვნური შარდის ბუშტის რობოტული ქირურგიის გზით შექმნით დაინტერესდა სომეხი კოლეგა პროფესორი არმენ ავოიანი.
ის გახლავთ სომხეთის ასთიღიკ კლინიკის უროლოგიური დეპარტამენტის უფროსი და კლინიკური დირექტორი.
პროფესორ ავოიანს უმასპინძლა საერთაშორისოდ აღიარებულმა უროლოგმა, ონკოუროლოგმა, საქართველოში და კავკასიაში რობოტული ქირურგიის დამფუძნებელმა, პროფესორმა გურამ ქარაზანაშვილმა.
ვიზიტის ფარგლებში, პროფესორ გურამ ქარაზანაშვილის ხელმძღვანელობით, განხორციელდა კიდევ ერთი ურთულესი და უნიკალური ოპერაცია – შარდის ბუშტის რადიკალური ცისტექტომია ხელოვნური შარდის ბუშტის ინტრაკორპორალური შექმნით.
პროფესორ გურამ ქარაზანაშვილის თაოსნობით, ქარაზანაშვილის რობოტული ცენტრი აგრძელებს ისეთი უნიკალური რობოტული ოპერაციების დანერგვასა და შესრულებას, რომლებიც კავკასიაში მხოლოდ ჩვენს ცენტრში ხორციელდება.
ქარაზანაშვილის რობოტული ცენტრი – უნიკალური რობოტული ქირურგია კავკასიაში.
