როგორც უკვე გაცნობეთ, 26-27 ოქტომბერს თბილისში ჩატარდება ონკოუროლოგთა მეორე საერთაშორისო კონგრესი და საქართველოს ესტუმრებიან მსოფლიოს მრავალი ქვეყნის წამყვანი ონკოლოგები, უროლოგები, რადიოლოგები. კონგრესის ორგანიზატორია საქართველოს ონკოუროლოგთა ასოციაცია. მთავარი სპონსორი კი გახლავთ ქარაზანაშვილის რობოტული ცენტრი.
21 ოქტომბერს კი ჩვენს კლინიკას ეწვევა ბონის საუნივერსიტეტო ჰოსპიტალის უროლოგიური კლინიკის დირექტორი, გერმანიის უროლოგთა საზოგადოების ექს-პრეზიდენტი, პროფესორი, შტეფან მიულერი, რომელიც ნებისმიერი უროლოგიური პათოლოგიის, მათ შორის ონკოუროლოგიური დაავადებების მქონე პაციენტებს გაუწევს კონსულტაციას და, საჭიროების შემთხვევაში, ჩაუტარებს ოპერაციებს.
მიღება დასრულდა 2020 წელს.
ნებისმიერ მსურველს შეუძლია მიმართოს ჩვენი კლინიკის ქეის-მენეჯერს, წინასწარ, მაქსიმუმ 10 ოქტომბრამდე, გაიაროს კონსულტაცია ბატონ გურამ ქარაზანაშვილთან. მომზადდება პაციენტის ისტორია, საჭიროების შემთხვევაში კვლევის შედეგები გაეგზავნება პროფესორ მიულერს გერმანიაში და პაციენტი მომზადდება საოპერაციოდ მისი ჩამოსვლის პერიოდისთვის.
