თირკმლის და საშარდე გზების კენჭებს ხშირად მუცლის ღრუს ტკივილს უკავშირებენ, თუმცა შესაძლოა კენჭის არსებობა ძლიერი ტკივილით ან სიმპტომების გარეშეც მიმდინარეობდეს.
ეს ყოველივე დამოკიდებულია კენჭის მახასიათებლებზე, როგორიცაა: ზომა, ფორმა, სტრუქტურა და მდებარეობა (თირკმელში ან საშარდე გზებში.)
რაც შეეხება ძლიერი ტკივილს, ასეთ დროს კენჭის გაჭედვა საშარდე მილში აფერხებს შარდის ნორმალურ გადინებას, შესაბამისად ხდება შარდის დიდი რაოდენობით დაგროვება თირკმელში, რაც იწვევს გაუსაძლის ტკივილს წელის არეში, ტკივილი უკნიდან წინა მხარეს გადმოდის და არ ჩერდება იმ შემთხვევაშიც კი თუ პოზიციას შეიცვლით. თირკმლის ტკივილს, ხშირად ადარებენ მშობიარობის ტკივილს.
რა არის თირკმლის კენჭების სიმპტომები?
სხვა სიმპტომები რაც შეიძლება ახლდეს თან თირკმლის დაავადებებს, არის:
- ღებინება
- გულისრევა
- სხეულის ტემპერატურა
- სისხლი შარდში
- მტკივნეული შარდვა
ჩამოთვლილი სიმპტომების დროს , აუცილებლად უნდა მიმართოთ ექიმ უროლოგს, განსაკუთრებით მაშინ თუ თქვენი სხეულის ტემპერატურა აიწევს, თირკმლის კენჭის დროული დაშლა და ლიკვიდაცია, კრიტიკულია.
დროებითი ტკივილის დროს თირკმლის კენჭი არ არის გაჭედილი შარდსადინარში და არ ბლოკავს შარდის გადინებას, თუმცა გამოიხატება დროებითი ტკივილით წელის არეში. ასეთი ტკივილი შესაძლოა თირკმლის სხვა დაავადებებითაც იყოს გამოწვეული, ამიტომ აუცილებელია გარკვეული კვლევების ჩატარება, რათა დადგინდეს ნამდვილად კენჭია თუ არა დისკომფორტის მიზეზი.
არსებობს თირკმლის უსიმპტომო კენჭები, რომლის არსებობაც არ გამოიხატება ტკივილით ან სხვა მახასიათებლებით, მის არსებობას მხოლოდ რენტგენოლოგიური კვლევის დროს ვიგებთ, ასეთი კენჭები ხშირ შემთხვევაში პატარა ზომის გახლავთ. ასეთ შემთხვევაში, გამოცდილ უროლოგთან ერთად უნდა შეარჩიოთ მკურნალობის ეფექტური მეთოდი, რათა თავიდან აირიდოთ შემდგომი გართულებები.
ქარაზანაშვილის რობოტული ცენტრი გთავაზობთ თირკმლის დაავადებების მკურნალობას მსოფლიო მედიცინის სტანდარტების შესაბამისი მეთოდებით. საყოველთაო ჯანდაცვა ნაწილობრივ აფინანსებს ოპერაციის თანხებს! დაგვიკავშირდით: 0322 23 40 23
