კეგელის ვარჯიშები

კეგელის ვარჯიშები – მეთოდი მენჯის ფსკერის კუნთების  გასამაგრებლად

კეგელის ვარჯიშები – ეს არის მეთოდი მენჯის ფსკერის კუნთების  გასამაგრებლად. ამ კუნთების მთავარი დანიშნულებაა შარდის ბუშტისა და სწორი ნაწლავის დამაგრება, ასევე მათივე  საშუალებით ხდება შარდსადინარისა და ანუსის ხვრელის მართვა, ანუ შარდვისა და კუჭში გასვლის კონტროლი.  კეგელის ვარჯიშები აუმჯობესებს სექსუალური ცხოვრების ხარისხს და ხსნის შარდის  შეუკავებლობის მსუბუქ ფორმებს.

პროსტატის პრობლემები და  შარდის ბუშტის ზედმეტი აქტიურობა , მამკაცებში ძირითადად უროლოგიური ან ნევროლოგიური პრობლმებითაა გამოწვეული. მათ მოსაგვარებლად დროული დიაგნოსტიკა და მკურნალობაა საჭირო, თუმცა სამედიცინო საშუალებების გარდა, პრობლემის მოგვარებაში კეგელის  ვარჯიშები დიდ როლს ასრულებს .

მენჯის ფსკერის კუნთები კუნთები შეიძლება დასუსტდეს ასაკის მატებასთან ერთად,   პროსტატის კიბოს მკურნალობის შემდეგ, ან პროსტატის პრობლემების გამო,   ნებისმიერ შემთხვევაში, საჭიროა პრობლემის დროულად იდენტიფიცრება უროლოგთან,  რათა თავიდან  აიცილოთ შემდგომი გართულებები.

კეგელის ვარჯიშებს შეუძლია გააძლიეროს და ავარჯიშოს თქვენი  კუნთები, რაც ხელს შეუწყობს შარდის კონტროლს.

კეგელის ვარჯიშები ამაგრებს  მენჯის ფუძის კუნთებს,  რომლებიც ასრულებს შემდეგ ფუნქციებს: :

1. აფიქსირებს მცირე მენჯის ღრუს ორგანოების – შარდის ბუშტის, სწორი და მსხვილი ნაწლავი

2. ხელს უწყობს შარდის გამოშვების პროცესის კონტროლს, ანუ იცავს უნებლიე შარდვისგან  დაძაბულობის ან დაცემინების დროს.

კეგელის ვარჯიშების  შესასრულებლად განსაკუთრებული პირობები არაა საჭირო, ვარჯიში შესაძლებელია ოფისში, საჭესთან, სავარძელში და ა.შ

 როგორ შევასრულოთ კეგელის ვარჯიშები

მაშ ასე, პირველ რიგში , უნდა იპოვოთ კეგელის კუნთები- ეს ძალიან მარტივია, თუ წარმოვიდგენთ, რომ მოშარდვის სურვილი დაგვეუფლა, მაგრამ ამის განხორციელება შეუძლებელია.

შეკუმშეთ მენჯის ფუძის კუნთები, გააჩერეთ დაჭიმული დაახლოებით 5 წამის განმავლობაში და ამის  შემდეგ მოადუნეთ. სასურველია  ასე  გაიმეორეთ 10-20-ჯერ, დღეში ორჯერ, ან სამჯერ. ცხადია, თავდაპირველად  ვერ შეძლებთ 10-20 ვარჯიშის გაკეთებას, რაც ნორმალურია, ამიტომ კუნთების გასაძლიერებლად გააგრძელეთ ვარჯიში.

1. შესძინეთ  ვარჯიშს მეტი დინამიკა :
2.  შე­კუმშეთ და მოადუნეთ მენჯის ფუძის კუნთები სწრაფად, გააკეთეთ 10 ასეთი სწრაფი ვარჯიში, შემდეგ დაისვენეთ 15-20 წამი და გაიმეორეთ რამდენიმეჯერ.
3. გახსოვდეთ,იკუმშება მხოლოდ მენჯის კუნთები და არა მუცლის, თეძოების, წელის. თუ ვარჯიშების შემდეგ თქვენ გრძნობთ მუცლის ან წელის ტკივილს ე.ი.  არასწორად აკეთებთ .
4.  გთავაზობთ კეგელის ვარჯიშების კიდევ ერთი  პოპულარულ და ეფექტურ ვარიაციას, რომლისთვისაც  ალბათ ოფისი ნამდვილად არ გამოგადგებათ, თუმცა სახლში ძალიან მარტივად მოახერხებთ:
5.  დაწექით ზურგზე, მუხლებში მოხარეთ ფეხები. მენჯი რაც შეიძლება ზემოთ ასწიეთ ისე, რომ ტერფები, მხრები და ბეჭები არ მოაშოროთ იატაკს. ამ მდგომარეობაში კეგელის კუნთების შეკუმშვა არაა საჭირო, ისინი ისედაც იტვირთება .

• სტატიკა: გააჩერეთ მენჯი მაქსიმალურად მაღალ წერტილში 5-10 წამი და დაუშვით იატაკზე. გაიმეორეთ 10-15-ჯერ
• დინამიკა: მაქსიმალურად სწრაფად ასწიეთ და დაუშვით მენჯი. გაიმეორეთ 10-15-ჯერ

კეგელის რეგულარული ვარჯიშისას შედეგი უკვე 5-6 კვირაში გამოჩნდება. შარდის შეუკავებლობის პრობლემები შემცირდება ან დავიწყებას მიეცემა, სქესობრივი ცხოვრება კი მნიშვნელოვნად გაუმჯობესდება.

როგორც ზემოთ აღვნიშნეთ, კეგელის ვარჯიშები ამაგრებს  მენჯის ფუძის კუნთებს,  ისინი  ,,პასუხისმგებელია’’ ერექციასა და ეაკულაციაზე. თუმცა, ბუნებრივია მხოლოდ  კეგელის ვარჯიშებით თქვენი სექსუალური ცხოვრების ხარისხი ვერ გაუმჯობესდება. ნუ გადადებთ უროლოგთან ვიზიტს:  ქარაზანაშვილის რობოტულ ცენტრში პროსტატის დიაგნოსტიკა ულტრათანამედროვე ტექნოლოგიებითა და მეთოდებით მიმდინარეობს . კლინიკაში ხორციელდება პროსტატიტის/ტკივილის სინდრომის მკურნალობა მსოფლიოში განთქმული კომპანიის STORZ DUOLITH აპარატით, დარტყმით-ტალღოვანი თერაპიით , რომელიც მისაღებია ნებისმიერი ასაკის პაციენტისთვის

სრულიად უმტკივნეულო, არაინვაზიური, უსაფრთხო და მაღალეფექტურია: აღადგენს პროსტატის სისიხლის მიმოქცევას და ფუნქციას, ხსნის ტკივილებსა და აუმჯობესებს  ერექციული ფუნქციას.

სტატია დაწერილია 2021 წელს.