16-18 სექტემბერს ბათუმში საერთაშორისო კონფერენცია Batumi Expo 2022 გაიმართა, სადაც მსოფლიოს მრავალი ქვეყნიდან მონაწილე სხვადასხვა კლინიკის ექიმებმა სხვადასხვა დაავადებათა მკურნალობის მეთოდები და მოწინავე ტექნოლოგიები წარმოადგინეს.
კონფერენციაზე მონაწილეთა შორის იყო ქარაზანაშვილის რობოტული ცენტრიც, რომლის წამყვანი სპეციალისტები მოხსენებებით წარსდგნენ ვიზიტორთა წინაშე. მომხსენებლებმა მონაწილეებსა და სტუმრებს პროსტატის კიბოს მკურნალობის ულტრათანამედროვე ტექნოლოგიების და მეთოდების შესახებ უამბეს, რომელსაც ანალოგი მთელ რეგიონში არ გააჩნია.
საუბრები შეეხებოდა პროსტატის კიბოს სკრინინგის და ადრეული გამოვლენის უახლეს მიდგომას მიკროექოსკოპიის გამოყენებით. პროსტატის მიკროექოსკოპიული კვლევა თარგეთული ბიოფსიით იძლევა ზუსტი დიაგნოზის დასმის საშუალებას, აჩვენებს პროსტატის დეტალურ სურათს და კიბოს ადგილსამყოფელს, სტრუქტურას და პროგრესირებას.
დიაგნოზის დასმის შემდეგ რევოლუციური, უოპერაციო, რადიაციული სხივებისგან თავისუფალი, მკურნალობის რობოტული ულტრაბგერითი თერაპია, 1 დღეში ანადგურებს პროსტატის კიბოს. შედეგად, პაციენტის სიცოცხლესთან ერთად, ნარჩუნდება მისი ცხოვრების სტილი და ხარისხი, პროსტატა, ნორმალური სქესობრივი და შარდვის ფუნქცია.
საერთაშორისო გამოფენაზე ქარაზანაშვილის რობოტული ცენტრიდან მოხსენებათა თემატიკა შემდეგნაირად გამოიყურებოდა:
· გურამ ქარაზანაშვილი – ულტრათანამედროვე ტრენდები მსოფლიო უროლოგიაში. სჭირდება თუ არა ქართველ პაციენტს უცხოეთში გამგზავრება?
· გიორგი კალანდია – თანამედროვე ტრანსურეთრული ქირურგია.
· გიორგი ბურჯალიანი – პროსტატის კიბოს რობოტული ულტრაბგერითი ტუმორექტომია.
· ნიკა გაგოშიძე – შარდ-კენჭოვანი დაავადების ულტრათანამედროვე მენეჯმენტი.
· ინგა ბაკანოვა – მიკროსკოპული ექოსკოპია – რევოლუცია პროსტატის კიბოს დიაგნოსტიკაში.
